ازاي تشتري ايفون مستعمل
ازاي تشتري ايفون مستعمل بدون خوف من العيوب هتشتري مستعمل بس خايف الأيفون يكون في عيب؟
هنقولك على حاجات بسيطة لو عملتها هتضمن ان الأيفون يكون سليم ١٠٠٪. ازاي تشتري ايفون مستعمل وانت مطمئن
– أهم حاجة هي العلبة وده لحفظ حقك وتجنبًا لمشاكل كتير ممكن تحصل طب لو المكان او الشخص اللي هتشتري منه مضمون يبقى فتوره من المحل فيها كل تفاصيل الجهاز من السيريال وباقي المواصفات ولو من شخص يبقى مبايعة .
– اهم الحاجات اللي تاخد بالك منها هي ( الشاشة – الضهر – المساسير – الزراير – السماعات )
– بيت الخط يكون مكتوب عليه سيريال الجهاز .
– الكشف على حالة الجهاز من الإنحناءات أو الخدوش “خدوش واضحة أو قوية وليست خدوش عاديه نتيجه الاستخدام اليومي”
– الكشف على الشاشة – Screen :
أرفع الإضاءة و أختار صوره بيضاء تمامًا و تأكد من عدم وجود بقع صفراء او أصفرار من الأطراف او اماكن في الشاشة سوداء أو أضائتها أقل … كرر الخطوة ولكن مع شاشه سوداء.
– الكشف على التاتش – Touch :
أفتح لوحة المفاتيح وجرب جميع الحروف – جرب السحب من جميع الأطراف – جرب السحب العشوائي على الشاشة.
– الكشف على الصوت – Sound :
التأكد من عمل جميع السماعات دون أي مشكلة – عدم وجود اي ثقوب نتيجه لتنظيف أو خلافة – إجراء مكالمة وأختبار سماعة المكالمات والميكروفون – أبتداء من أيفون 7 التاكد من سماعة المكالمات تعمل أيضًا مع الموسيقى.
– الكشف على البطارية – Battery :
على الرغم من أهمية نسبة صحة البطارية لتحديد السعر لكن عند أختبار البطارية لا تكتفي بالنسبة فقط لكن قم باختبار أداء البطارية عن طريق تشغيل مقاطع فيديو عالية الجوده التقاط فيديو عالي الجوده وتابع تغير نسبة البطارية هل انخفضت بشكل طبيعي أم بشكل مبالغ فيه.
– الكشف على الـ iCloud :
التأكد من حذف الـ icloud الخاص بصاحب الجهاز و عمل Format للجهاز وفي حالة عدم وجود iCloud من الأساس يقوم بعمل Format للجهاز للتاكد أن الجهاز ليس على وضع التخطي.
خطوات كتير لازم تقوم بيها عشان تتأكد أن الجهاز سليم ١٠٠٪ خطوات ممكن تكون بديهية و خطوات تانية ممكن اول مره تعرف عنها لكن الحاجة الصعبة اللي بجد هي انك تكون فاكر كل الخطوات دي وقت شرائك للجهاز.
عشان كده في ماكنتوش وفرنالك خدمة الكشف على الجهاز عشان نقولك ايه عيوب الجهاز او ان الجهاز سليم وتقدر تشتريه كل ده بيتم خلال دقائق على يد مهندسين مدربين وعلى مستوى عال من الخبرة وكمان هتاخد تقرير مفصل بحالة الجهاز.
