مميزات تحديث iOS 26 الجديد من أبل.
أمبارح أبل أعلنت رسميًا عن تحديث أنظمة التشغيل في مؤتمر WWDC 2025… واللي حصل خلّى الكل يتكلم! مش بس نظام iOS اتحدّث، لأ، ده كل أنظمة أبل أخدت اسم جديد ومميزات جامدة مميزات تحديث iOS 26 :
iOS 26
iPad OS 26
Watch OS 26
mac OS 26
tv OS 26
vision OS 26
وده كله بتصميم جديد كليًا اسمه Liquid Glass بيعتمد على الشفافية والانسيابية، يخلي شكل الشاشة عيونك تحبه من أول نظرة.
من مميزات تحديث iOS 26 الذكاء الاصطناعي بقى Offline!
أهم ميزة في التحديثات دي؟
إن الذكاء الاصطناعي (Apple Intelligence) بقى بيشتغل على الجهاز نفسه، مش محتاج إنترنت، ومعاه دعم كامل لـ GPT علشان يساعدك جوه كل التطبيقات من غير ما بياناتك تخرج برّه.
مميزات تحديث iOS 26 الجديدة:
التحديث مش بس شكل، فيه تغييرات هتحس بيها فعلًا في كل استخدامك، وأهمها:
Call Screen: ميزة بترد على المكالمات وتفهم المطلوب، ولو المكالمة مهمة يرن التليفون… ولو Spam؟ بتوفّر عليك الوقت.
I Messages وجروبات المحادثات: دلوقتي تقدر تحط خلفية لكل شات، وتصنّف الرسائل حسب الأهمية.
Live Translation: بقت تشتغل Offline، وكمان جوه الفيديوهات، المكالمات، FaceTime، الأغاني، وأي تطبيق تاني.
Apple Wallet: بقى يدعم البطاقات الرقمية وجوازات السفر علشان تنجز أكتر من غير محفظة.
مميزات Watch OS 26
لو بتتمرن كتير، هيعجبك جدًا:
Workout Buddy: مساعد صوتي ذكي بيشجعك وقت التمرين وبيفهمك مع الوقت.
صوت التنبيهات بيتغيّر حسب المكان اللي إنت فيه.
ترجمة وملاحظات مباشرة من الساعة.
مميزات macOS 26 “Tahoe”
نظام Mac خد تحديث ذكي جدًا:
Spotlight بقى يقدر ينفذ أوامر من غير ما تفتح تطبيقات.
Shortcuts بقت فيها إجراءات ذكية أسرع.
دعم Live Activity من الآيفون.
تطبيق جديد للألعاب، ودعم Metal 4 للرسومات.
vision OS 26
نظام الواقع المختلط أخد تطوير كبير:
Widgets بتتوزع حسب المكان اللي فيه، زي الحيطة في البيت!
تصميم Persona بقى واقعي أكتر.
دعم لاجتماعات الشركات، تحكم بـPlayStation VR.
عرض مباشر من كاميرات GoPro وInsta360.
iPad OS 26
لو بتحب تعدد المهام، iPad OS 26 جايبلك تجربة قريبة جدًا من اللابتوب:
Menu Bar زي الويندوز
دعم للماوس
Folders جوه الـ Dock
مهام شغالة في الخلفية
نفس مميزات iOS 26 كلها
الأجهزة المتوافقة مع التحديث:
iOS 26:
من iPhone SE الجيل التاني، وiPhone 11 وأحدث
Watch OS 26:
من Series 6 وWatch SE 2
iPad OS 26:
من iPad 8، Air 3، Mini 5، Pro 12.9 (الجيل التالت)، وكل موديلات Pro 11-inch
ليه التحديث ده مهم ليك؟
لأن أبل مش بس بتحسّن الأداء، هي بتعيد تعريف استخدامك للموبايل بالكامل…
والذكاء الاصطناعي في iOS 26 ممكن يغيّر طريقة شغلك، تواصلك، وتعاملك مع التطبيقات.
خلاصة مؤتمر Apple: مستقبل أكثر ذكاءً وخصوصية
يمثل نظام iOS 26 قفزة نوعية في عالم الهواتف الذكية، حيث يدمج التصميم المذهل مع ذكاء اصطناعي متكامل وتجربة استخدام شخصية وآمنة. وكالعادة، تثبت Apple أن الابتكار لا يتوقف، وأن كل تحديث يأتي ليعيد تعريف ما يمكن أن تفعله بأصابعك على شاشة iPhone.
